Mánadagin 11. mars skipaði Vágs Kommuna fyri eini skeltaverkstovu í Miðlatúni. Verkstovan er fyri vinnurekandi.

Málið við verkstovuni er, at lutakararnir koma at skilja týdningin av skelting - og at teir finna út av, hvat teirra tørvur er. Samstundis verður lagt upp til, at teir koma at bíleggja sær skelti og/ella merking, sum eru serteknað av sniðgevum hjá Kodio.

Verkstovan byrjaði klokkan 9.00 mánamorgunin, 11. mars, har kommunan bjóðaði ein drekkamun og kaku og Kodio stóð fyri framløguni. Verkstovan tók áleið tveir tímar. Eftir døgurða var ein til ein verkstovur við vinnurekandi, ið høvdu umbiðið hetta.

Fríggjadagin 23. februar klokkan 11 var Vágs skúli karmur um afturvendandi vinnutiltakið Vinnan á vitjan. Vinnutiltakið var ætlað næmingum í 9. og 10. flokki í fólkaskúlunum í oynni og til næmingar á Miðnámsskúlanum og Heilsuskúlanum. Í ár luttóku áleið 20 fyritøkur og stovnar úr allari oynni.

Endamálið við Vinnan á vitjan er at kunna ungdómin í oynni um fjølbroyttu arbeiðs- og útbúgvingarmøguleikarnar, sum eru. Samstundis fáa fyritøkur og stovnar møguleika at vísa sjeg fram sum arbeiðspláss hjá komandi ættarliðnum.

Foreldur og onnur áhugaði vóru eisini hjartaliga vælkomin at vitjað í Vágs skúla og at koma í prát við fyritøkurnar og stovnarnar.

Vágs Kommuna bjóðaði vinnurekandi inn til kaffiprát mánadagin 12. februar. Kaffiprátið var í Miðlatúni klokkan 10.00.

Vágs Kommuna hevur áður bjóða vinnurekandi inn til kaffiprát og undirtøkan hevur verið stak góð. Endamálið við kaffiprátinum er at styrkja samskifti og samstarvi millum kommununa og lokala vinnulívinum og í millum tey lokalu vinnurekandi. Við kaffiprátinum fáa kommunan og tey vinnurekandi møguleikan at netverka í einum óformellum umhvørvi.

Øll vinnurekandi í Vágs Kommunu vóru hjartaliga vælkomin, og Vinnu- og havnanevndin bjóðaði kaffi og kaku.

Eins og í 2022, so skipaði Vágs Kommuna fyri árligum vinnudegi. Dagurin varð ætlaður fyritøkum, vinnurekandi og íverksetum í Vági. V Á skrá var ábit, framløgur innan framtíðar trends, arbeiðinum við burðardygd, dátur og víðari menning av Business Vágur, og til síðst var netverkan.

Vinnudagurin er liður í arbeiðinum hjá kommununi við vinnumenning og arbeiðinum at gera Vág til eitt gott stað at staðseta og reka fyritøku. Ynskið er, at okur verða enn betri til at samstarva, deila vitan og gera brúk av hvørjum øðrum - eisini tvørtur um fyritøkur og vinnur. Eisini vil kommunan stuðla upp undir nýhugsan og íverksetan.

Skeiðið var ætlað vinnurekandi og fyritøkum í Vági, sum kundu hugsa sær at duga betri at tikið myndir til t.d. lýsingar ella sosialu miðlarnar. Undirvísari var Beinta Haraldsen, fotografur.

Á skeiðnum undirvísti Beinta í:

• myndabygnaði, ljósi, vinklum, portrettmyndum, heildarmyndum, detaljumyndum og myndaviðgerð við fartelefon.

Beinta greiddi eisini frá góðu vanunum handan góðu myndina, har tað snýr sjeg um at gera sær ómak og ikki skunda sær.

Um Beintu Haraldsen

Beinta Haraldsen hevur drúgvar royndir sum fotografur bæði í Føroyum og uttanlands. Hon hevur havt nógv skeið í myndatøku við fartelefon og tey hava verið ógvuliga væl umtókt. Beinta hevur seinastu árini starvast nógv innan filmsvinnu og aðrar kreativar vinnur. Hon undirvísir eisini í at gera film við fartelefon og hevur arbeitt við stórum útlendskum filmsverkætlanum, so sum James Bond og altjóða lýsingafilmum fyri Samsung og Mastercard. 

Í mars 2022 skipaði Vágs Kommuna fyri vinnutiltakinum Vinnan á vitjan. Tiltakið var sera væl móttikið av næmingunum, foreldrunum og fyritøkunum, og avgjørt varð, at tiltakið aftur skuldi vera í 2023. Í 2023 varð tiltakið aftur í Vágs skúla – í fimleikahøllini og í auluni – og við fleiri fyritøkum og stovnum, enn undanfarna ár.

Tankin við vinnutiltakinum er tvídeildur. Okur ynskja at geva fyritøkum og stovnum í Suðuroynni møguleika at vísa sjeg fram, sum arbeiðspláss fyri komandi ættarliðið, ið skal út á arbeiðsmarknaðinum. Og so ynskja okur at vísa ungdóminum í oynni, hvussu fjølbroyttir útbúgvingar- og starvsmøguleikarnir eru í Suðuroynni. Í prinsippinum, so kanst tú fara av oynni og fáa tær dreyma útbúgvingina og koma aftur til Suðuroynna fáa dreyma starvi. Tú kanst eisini verða verandi í oynni og fáa dreyma læruplássi ella starvi. Og so tað er ein breið vifta av útbúgvingarmøguleikum í Suðuroynni, sum kundi áhugavert at vita meiri um, sigur Magnus Pauli West, fyriskipari av tiltakinum.

Um verkstovuna segði Jákup Brúsá;

Kom og lær hvussu tú byggir ein nethandil, og hvussu tú fært fólk inn í nethandilin. Vit hyggja eftir hvat tú skalt hugsa um, tá tú byggir ein nethandil, og hvørji amboð eru góð fyri at marknaðarføra tín handil á netinum – tað verið seg um tú selur í Føroyum ella til útlandið. 

Verkstovan er bæði til tey, ið longu eru komin í gongd við at selja á netinum, og til tey, ið hugsa um at tveita seg út í tað.

Vit tosa um hvat tú skalt hugsa um áðrenn tú fert í gongd, hvussu tú kanst optimera nethandilin til at selja, hvussu tú fært fólk inn á tín nethandil (hvar eru kundarnir?) og hvussu tú fært trúðfastar kundar, ið koma aftur at keypa.

Um undirvísaran

Jákup Brúsá hevur hjálpt nógvum fyritøkum við ráðgeving um strategiska nýtslu av talgildum miðlum. Hann hevur drúgvar royndir við sosialum miðlum, search marketing, tilrættislegging av kampagnum og at framleiða innihald til heimasíður, sosialar miðlar o.a. Hann hevur við sínum toymi bygt nógvar føroyskar nethandlar og hjálpt teimum at marknaðarføra seg á netinum.

Vágs Býráð setti sær fyri at fáa ment samstarvið millum Vágs Kommunu og vinnuna í Vági. Í hesum sambandi samtykti Havna- og vinnunevndin at gera ein vinnudag fyri vinnuna í Vági.

4. mars var fyrsti vinnudagurin í Vági og evnið var íverksetan og grønaorkuskiftið. Á degnum vóru framløgur frá íverksetum og umboðið frá SEV. Eftir framløgurnar var lagt upp til prát og netverkan í millum tey luttakandi.

Tann 18. mars 2022 skipaði Vágs Kommuna og Vágs skúli fyri áhugaverdum vinnutiltaki í Vágs skúla. Endamálið við tiltakinum var, at kunna næmingar og foreldur um útbúgvingar- og starvsmøguleikar í Vági, og í Suðuroynni sum heild. Tiltakið verður fyri næmingum í 9. og 10. flokki, og foreldrum teirra.

Tiltakið byrjaði við eini framløgu í auluni í Vágs skúla, og síðani varð høvi hjá næmingum og foreldrum at fara inn í fimleikarhøllina, har lokalar fyritøkur og stovnar stóðu klár til eitt prát.

Eitt av afturvendandi vinnutiltøkunum er kaffiprát, sum er í Miðlatúni. Kaffiprátið gevur vinnurekandi høvi til at møtast til eitt óformelt prát saman við starvsfólkum hjá Vágs Kommunu og býráðslimum.