Leys størv

Vágs Kommuna er í støðugari menning. Hetta hevur við sær, at kommunan javnan hevur leys størv, sum lýst verður her á.

Í løtuni er 2 starv leys at søkja.

Mennari til Vágs Kommunu
Netsamskipari til Barnavrekætlanina í Vági

Mennari til Vágs Kommunu

Er samskifti og samskipan náttúrligt fyri tjeg? Dugur tú at síggja vinnuligir møguleikar, sum kunnu leggjast afturat ella stuðla verandi vinnulívið? Og hevur tú eitt jaligt og vinarligt lyndi? So er tað møguliga tær okur leita eftir.

Okur leita eftir einum mennara, ið skal styrkja og menna vinnuøkið í Vágs Kommunu og kommunalar tænastur.

Mennarin skal skapa nørandi karmar fyri vinnulívið og tryggja, at kommunalar tænastur eru viðkomandi. Tú verður eisini ein týðandi viðspælari á ferðavinnuøkinum, har tú m.a. skal fyrireika cruisevitjanir og samskipa tiltøk og átøk innan ferðavinnu.

Tú verður partur av dugnaliga toyminum hjá Miðlatúni og Vágs Havn, og starvsstaðurin er hjá Vágs Kommunu. Okur bjóða eitt spennandi og sjálvstøðugt starv við góðum møguleikum fyri fakligari og persónligari menning.

Persónsvangi

Okur leita eftir tær, sum ynskir at koma við nýggjum hugskotum og førir tey út í lívið við fyrisitingarligum skili. Tú skal hava innlit í vinnuøkið og vitan um tær treytir, ið eru galdandi í einari kommunalari umsiting. Okur vænta:

at tú hevur royndir innan sølu- og marknaðarføring, samskipan, málsviðgerð og kunnleika til fyrisiting.
at tú dugir væl enskt og føroyskt í skrift og talu.
hevur viðkomandi útbúgving saman við viðkomandi vinnuligum royndum.
royndir frá tí almenna og/ella privata arbeiðsmarknaðinum.

Starvsinnihald

Mennarastarvið er fjølbroytt og fevnir víða, tó kunnu hesar uppgávur metast sum týdningarmestu:

menna vinnutænastur og borgaratænastur hjá Vágs Kommunu.
arbeiða við at økja um inntøkumøguleikarnar hjá Vágs havn.
fyrireika Vágs havn til framtíðar uppgávur og avbjóðingar.
fremja strategiska menning av vinnuøkinum sum heild.
arbeiða við burðardygt, EPI og ESG-rapportering.
síggja møguleikar sum kunnu betra karmarnar hjá vinnulívinum.
samskipa og leiða verkætlanir á vinnuøkinum og tiltøk fyri vinnuna.
samskipa og menna ferðavinnutænastir og átøk.
fyrireika mál til nevndarfundir, umframt aðrar fyrisitingarligaruppgávur, og at fremja samtyktir hjá nevndum og býráðið, sum viðvíkur vinnuøkinum.

Setanar- og lønartreytir

Starvið verður lønt sambært avtalu millum Kommunala Arbeiðsgevarafelagið og Starvsfelagið. Umsøkjarar verða mettir eftir fakligum og persónligum førleikum. Mennarin hevur tilvísing til trivnaðarleiðaran.

Umsókn og spurningar

Fyrispurningar kunnu stílast til Magnus Paula West, trivnaðarleiðari, á telefon 239392 ella teldupost magnus@vagur.fo.

Umsókn og viðkomandi skjøl skulu senda umvegis hetta her. Freistin at søkja starvið er 6. januar 2025. Allar umsóknir verða viðgjørdar í trúnaði. Vágs Kommuna skilar sær rættin til ongan umsøkjara at velja og um mett neyðugt at lýsa av nýggjum.

Netsamskipari til Barnaverkætlanina í Vági

Hevur tú hug at arbeiða við fyribyrging og menning innan barna- og ungdómsøkið? Sært tú fyri tær, hvussu eitt sunt og stimbrandi umhvørvi fyri børn og ung í eini kommunu kann síggja út? Kundi tú hugsað tær eina lyklarollu í eini spennandi verkætlan, sum gongur yvir arbeiðseindir og hevur samband við heimini og almennu tænasturnar? So er tað møguliga tær, okur leita eftir!

Vágs Kommuna søkir nú eftir einum netsamskipara til eitt 3 ára verkætlanarstarv í samband við, at Barnaverkætlanin byrjar í Vági. Talan eru um fulltíðarstarv við møguleika til niðursetta tíð og starvið verður sett skjótast gjørligt.

Okur bjóða eitt spennandi og sjálvstøðugt starv í einum fakligum og mennandi arbeiðsumhvørvi, við góðum møguleikum fyri persnónligari menning. Tú verður eisini partur av einum toymi við umboðum frá dagstovnaøkinum og barna- og ungdómsøkinum, Vágs skúla og trivnaðarleiðaranum, ið stýra barnaverkætlanini í Vági. Netsamskiparin vísir til trivnaðarleiðaran.

Um Barnaverkætlanina

Barnaverkætlanin hevur í stóran mun brúkt tann íslendska menningarmyndilin sum fyrimynd, og hevur tætt samstarv við Ísland um teirra menningartilgongd og royndir, tey hava gjørt sær. Hetta eru royndir, ið okur í Føroyum við fyrimuni kunnu læra av áðrenn, vit byrja at royndaríverkseta ymsu tiltøkini innan barna- og ungdómsøkið.

Persónsvangi

Okur leita eftir einum persóni, ið kann virka sum sambandi millum kommunalueindirnar, almennu tænasturnar og heimini. Tú skalt koma við tilmælum til fyribyrgjandi arbeiði og menning av tænastum, sum gagna børn og ung. Tú skalt hava innlit í almannaøkið, ið eru viðkomandi fyri starvið. Okur vænta, at tú:

hevur viðkomandi miðal langa útbúgving, t.d. námfrøðingur, lærari ella sosial ráðgevi,
hevur royndir innan almannaøki og málsviðgerð, umframt kunnleika til fyrisiting,
hevur áræði og førleikar til at taka ábyrgd, skipa og laga starvið til, so hvørt Barnaverkætlanin mennist.

Starvsinnihald

Netsamskiparastarvið fevnir um nógvar uppgávur. Tær týdningarmestu eru:

at vera bindiliðið millum kommunalueindirnar, heimini og almennar tænastir og veitingar,
at samstarva um og menna ítøkilig trivnaðarátøk fyri børnum og ungum, ið hava avbjóðingar, so sum happing, óróð og angist,
at samstarva um og menna ítøkilig átøk saman við foreldrum sum betra um trivnaðin og menningina hjá barninum, so sum ráðgeving og vegleiðing, fyribyrging og stuðul, gera avtalur og netverksfundir og hava uppfylgjandi arbeiði,
at vegleiða til starvsfólk í dagstovnum, barna og ungdómsøkinum og skúlanum innan, eitt nú: hvørji ítøkilig átøk kunnu gerast og hvussu ein ber seg at í truplum støðum,
at síggja, hvørjar uppgávur kunnu leggast afturat netsamskiparastarvinum, so hvørt Barnaverkætlanin tekur skap.

Setanar- og lønartreytir

Starvið verður lønt sambært avtalu millum Kommunala Arbeiðsgevarafelagið og avvarandi fakfelag.
Talan er um eitt tíðaravmarkað starv á 3 ár, men starvið kann longjast, alt eftir hvussu, Barnaverkætlanin eydnast. Umsøkjarar verða mettir út frá bæði fakligum og persónligum førleikum. Netsamskiparin hevur tilvísing til trivnaðarleiðaran og starvsstaðurin er Vágs Kommuna.

Umsókn og spurningar

Fyrispurningar kunnu stílast til Magnus Paula West, trivnaðarleiðari, á telefon 239392 ella teldupost magnus@vagur.fo.

Umsókn og viðkomandi skjøl skulu sendast inn her. Freistin at søkja starvið er 5. januar 2025. Allar umsóknir verða viðgjørdar í trúnaði. Vágs Kommuna skilar sær rættin til ongan umsøkjara at velja og um mett neyðugt at lýsa av nýggjum.

Sambært §2 í barnaváttanarlógini hevur Vágs Kommuna skyldu til at fáa barnaváttan til vega áðrenn, umsøkjari verður settur í starv.

Sjálvboðin umsókn

Vágs Kommuna er altíð áhuga at frætta frá fólki, sum kundu hugsa sær at starvast hjá kommununi, gjørt verkætlanir ella komi í starvsvenjing. Send sjálvbodna umsókn til Vágs Kommunu við at trýsta á hetta leinki.

Tá søkt verður, verður samtykt givin um, at Vágs Kommuna kann varðveita og viðgera upplýsingarnar, lívsrensl og onnur skjøl, sum latin vera okkum umvegis sjálvbodnu umsóknina,.