Í gjárkvøld samtykti Vágs býráð fíggjarætlanina fyri 2026. Ì ætlanini fyri 2026, eru fleiri áhugaverdar byggiætlanir.

Størsta ætlanin hjá Vágs kommunu er tó, at í Vágs skúla skal gamli svimjuhylurin gerast um til ein nýggja mentanardepil. Har Vágs skúli og mussikskúlin og okur vágbingar, eins øll onnur, kunnu fáa gleði av í framtíðini. 

Hettar málið var annars fyrstuferð á tekniborðinum í 2016.

Fyrstu tekningar vóru annars gjørdar í 2016 av Mayfinn Norðoy. Tá fóru táverandi býráðsmeirilutin og skúlaleiðslan í Vágs skúla til framløgu av tekningunum um nýtt audiatorium hettar var 5 jan 2017.

Málið var síðani uppaftur tikið í mentamálanevndini í mars 2021. 

Vágs býráð samtykti einmælt, at fara undir arbeiði at gera komandi mentanardepil lidnan. Nakað av hesum arbeiði er longu gjørt. Arbeiði uppá at gera sjálvan svimjuhylin um til audiatorium/samlingsstað, var bjóða út og tað arbeiði fekk  byggifyritøkan P/F Norcon í Vági.

Ein bygginevndin var sett í 2022 og saman við mentunarnevndin, var eitt av fyrstu ynskinum, at hava góðar umstøður bæði til skúlan og mussikskúlan, har m.a eisini avgjørt var, at hava góð ljóð og ljósviðurskiftur. Harumframt góð goymsluhølir, sum eisini krevst fyri slíka byggiverkætlan.

Somuleiðis var avgjørt, at uppruna svmjuhøllin skuldi síggjast aftur í byggistílinum. Síðani tá eru fleiri broytingar gjørdar við byggiætlanini.

Seinni í 2025, var ynski frá menturnarnevndini, at fáa eina nýggja stásliga móttøku, har gomlu umklæðingarrúmini eru, tað var eisini einmælt samtykt av Vágs býráð.

Komandi nýggi menturnardepilin, skal brúkast í skúlatíðini og alment eftir skúlatíð. 

Nú hevur Vágs kommuna samtykt fíggjarætlanina fyri 2026, har býráði hevur givið grønt ljós fyri at gera alt arbeiði liðugt.

Arbeiði verður fíggja við lántøku í 2026 og í løtuni verður arbeitt við, hvat samlaði kostnaðurin verður fyri alt arbeiði. 

Okur kunnu gott siga at hettar er ein nýggj “ vend ella vending “ sum nú verður gjørd í gomlu svimjuhøllini, har bylgjurnar manga hava leika á gjøgnum ár og dag síðani 1979. Har okkara allar bestu svimjarar eisini er uppaldir. Hettar arbeiði hevur verið eitt ynski hjá Vágs skúla í nógv ár og er so harðligani tiltrongt. Sigur Levi Rikshamar Mørk, formaður í menturnarnevndini hjá Vágs kommunu, sum eisini var við til upprunaætlanina um audiatorium frá 2016.” Levi R Mørk leggur afturat, við hesari byggiætlanin er, eisini talan um eina nýggja byrjan.

Her mynd av mentamálanevndini hjá Vágs býráð, sum er avmynda uttanfyri gomlu svimjuhøllina í Vágs skúla í summar. Á mynduni eru Rógvi Kjærbech nevndarlimur, Marin Gardlykke næsforkvinna og Levi R Mørk formaður í mentamálanevndini.

Her er møguleikar fyri fleiri menturnarligum átøkum, sum serliga Vágs skúli og okur øll hava brúk fyri. 

Á svimjumálið verður tosað um eina vending, hettar kann væl samanberast við eina nýggja “vending”, fyri okkum øll, frá tí gamla svimjuhylinum til ein nýggjan og stásligan komandi mentanardepil.

Sum Vágs býráð, nú endaligt hevur samtykti við at fíggja alla byggiætlanina við lántøku, sum eisini er staðfest í fíggjarætlanini fyri 2026.

Nú kemur ein nýggj mentan, eins gamli svimjihylurin eisini gav okkum øllum framúr úrslit og stóra menning innan svimjing fyri okkara børn og ungu. 

Í nýggja mentanardeplinum, kunnu skúlabørn skapa nakað sjáv við frálæru frá tónleikalærarum, lærarum og fáa undirvísing uppá fleiri ymiskar mátar, sum hesin komandi mentanardepilin leggur upp til. 

Somuleiðis fáa vágbingar og almenningurin høvi til at hoyra og uppliva eina størri breidd av ymiskari mentan. Har fólk koma at uppliva, framføra og at njóta ymiska mentan.

Umframt undirvísing, skal nýggi menturnardepilin, rúma alskyns greinar av tónleiki, list, ráðstevnur, tiltøk, fyrilestrar, sjónleik og drama. Eisini leggur teknikkurin upp til sera nógv, m.a ber til at hava biograf ella filmskvøld. 

Alt hettar er ein nýggj menturnar “bylgja”, sum øll og serliga børnini, foreldur og lærarar í Vágs skúli fáa stóra gleði og nyttu av. Har okur øll kunnu fáa upplivingar, mennast og trívast.

Um navnið á nýggja mentanardepilin í Vágs verður verður nevndur “mentanardepilin bylgjan “ ella “mentanardepilin vend”, verður nok avgjørt við einari komandi navnakapping.

Ein framtíðarætlan er eisini gjørd fyri allan skúlan. Í løtuni verður arbeitt við at gera trappur aftur í Vágs skúla og eisini verður arbeitt við einari kostnaðarrmeting uppá at skifta takið á Vágs skúla.

Fuglark arkitektar hava gjørt nýggjastu tekningar av nýggja mentanardepilinum í Vági.