Tórskvøldið 21. novembur millum klokkan 17.00 og 20.00 bjóðar Vágs Kommuna øllum borgarum í Vági aftur til felags matarkvøld. Matarkvøldið verður í hølunum hjá Frelsurnarherinum.

Tankin við kvøldinum er at geva borgarum møguleika at seta til borðs, sum einstaklingur ella sum familja, og njóta eina góða máltíð. Tí gerandisdagurin hjá nógvum – kanska serliga smábarnafamiljum – er hektiskur. Nógv skal avrikast og samdøgri er ikki longri enn 24 tímar. Fyri at lætta um, so bjóðar Vágs Kommuna øllum borgarum til matarkvøld, har høvið er fyri hugna og samveru saman við teimum nærmastu og vinfólki. Á matarkvøldinum ber eisini til at gera matpakkar til børnini, ið tey kunnu hava við í barnagarð og skúla dagineftir.

Døgurðin hesaferð er fleskasteik, eplir, sós og við tilhoyri - ein jóladøgurði.

Matarkvøldið er 21. novembur frá klokkan 17.00 og til klokkan 20.00.

Øll eru hjartaliga vælkomin at meldað sjeg til við at trýsta á hetta leinkið. Tilmeldingin er ikki bindandi, men verður bert brúkt sum ábending um, hvussu nógvur matur skal gerast.

Sjálvboðin til felags matarkvøldið

Um onkur hevur hug at hjálpa til í samband matarkvøldið – tað kundi verið at dekkað upp, gjørt reint ella at matgera, so ber til at meldað sjeg til við at trýsta á hetta leinkið.