Ferðavinnuætlan fyri Vágs Kommunu
Ferðavinnan er ein vinna í vøkstri og tað er týdningarmikið at skipa og menna ferðavinnuna á einum málrættaðum og ábyrgdarfullum grundarlagi. Vágs Kommuna stuðlar nýhugsan og menning av ferðavinnuni.
Í Vági er ferðavinnan knýtt at býarlívi, náttúru, mentan og viðkomandi virksemi. Dentur er lagdur á gott infrakervi, mentanarlig tiltøk og eina fjølbroytta ferðavinnu, sum verður samskipa við gerandislívi í býnum.
Vágs Kommuna ynskir at virka sum ein miðdepil fyri ferðavinnuaktørar og at menna hugskot, tilboð og tænastur, soleiðis at ferðavinnan kann elva til framhalandi vøkstur í lokal samfelagnum.
Endamálið er at menna eina burðardygga ferðavinnu, sum er bygd á virðing fyri náttúru, djóralívi, heimafólki, vinnulívi og mentanini. Ferðavinnan í Vágs kommunu skal vera sosialt, búskaparliga og umhvørvisliga burðardygg og ganga hond í hond við lokala samfelagið. Hon skal skapa virðir og trivnað fyri ferðandi, heimafólki og vinnuna, samstundis sum hon verjir og varðveitir tað, sum ger Vágsbygd serliga.
