Í gjár og í dag eru umboð frá mentamálanevndini á KL ráðstevnuni Kultur og fritidskonferencen 2026, sum verður hildin í Kolding.

Ráðstevnan savnar kommunal umboð, fakfólk og politikarar úr Danmark, Føroyum og Grønlandi til fyrilestrar, kjak og pallborðsprát um mentan, frítíðarlív og lokal menning. Dentur verður lagdur á, hvussu kommunur kunnu styrkja trivnað, felagsskap og menning gjøgnum mentanarlig og sosial tilboð.

Á skránni eru evni sum sjálvboðið arbeiði, ungdómsmentan, ítróttur, mentanarhús, samstarv við feløg og hvussu kommunur kunnu skapað livandi lokal samfeløg við sterkum frítíðar- og mentanartilboðum. Eisini verða góð dømi frá øðrum kommunum løgd fram.

Umboðini úr Vágs Kommunu nýta ráðstevnuna til at fáa nýggjan íblástur og vitan, sum kann brúkast í arbeiðinum við at menna mentanar- og frítíðarlívið í Vági.

Umboðini eru Levi Mørk, formaður, Marin H. Gårdlykke, nevndarlimur, og Magnus Pauli West, trivnaðarleiðari.