Vágs Kommuna heitir á borgarar um at klippa trø og runnar, sum vaksa út móti vegi, gongubreyt, gøtu ella øðrum almennum økjum. Hetta er fyri at tryggja, at fólk kunnu ferðast trygt og uttan forðingar, og at sýnið í ferðsluni er gott.

Trø og runnar skulu klippast soleiðis:

• ájavnt við mark út ímóti vegi, gongubreyt og gøtu.
• skelti og ferðsluljós skulu verða sjónlig og leys av trøum og runnum.
• fríhæddin yvir gongubreytum og gøtum skal verða í minsta lagi 2,5 m.
• fríhæddin yvir vegi skal verða í minsta lagi 4,2 metrar.

Kommunan heitir á øll um at kanna síni øki og syrgja fyri, at trø og runnar verða hildin, so ferðslan kann fara trygt fram.