Nú okur standa á gáttini til jól og nýggjár, er høvi at steðga á og hyggja aftur á árið, ið fer. Hetta hevur verið eitt ár merkt av nógvum ymiskum hendingum — bæði løtum av gleði og løtum, sum hava verið tyngri og hava sett djúp spor. Í sorgini hava okur kent styrkina í samanhaldi. Hetta minnir okkum á, hvussu týdningarmikið tað er at standa saman og vísa hvørjum øðrum umsorgan og virðing.

Jeg vil takka bygdafólkinum fyri tað arbeiði, sum tykor hvønn dag leggja í, at gera Vágs Kommunu til eitt gott stað at búgva og virka. Eisini vil jeg ynskja øllum gestum, ið vitja bygdina í hesum døgum, hjartaliga vælkomin og vóna, at tykor kenna tykon vælkomin til Vágs.

Til tykon, sum eru samstarvsfelagar, starvsfólk, politikarar og øll, ið arbeiða í og fyri Vágs Kommunu, vil jeg bera fram eina stóra tøkk fyri gott samstarv, uttan tykra íkast hevði tað ikki verið møguligt at røkka teimum úrslitum, okur hava nátt saman.

Við teimum bestu ynskjum um gleðilig jól og eitt gott nýggjár.

Bjarni Johansen

Borgarstjóri