Vit eru sera spent at kunna boða frá, at Ragnar í Vík verður millum tónleikanøvnini á Ljósfestini 2025 í Vági!

Ragnar Jacobsen, betur kendur sum Ragnar í Vík, gjørdi seg veruliga galdandi á føroyska tónleikapallinum síðst í nítiárunum, tá hann gav út sína fyrstu og sera væl umtóktu fløgu: There’s a Tear in My Beer. Á hesari útgávuni syngur Ragnar sangir hjá Hank Williams – Sagt hevur verið um fløguna, at hon av álvara leggur seg eftir amerikanska ljóðinum, og var hetta kanska ikki so vanligt fyri føroyskar útgávur tá.

Útgávan fekk góða móttøku, bæði í Føroyum og uttanlands, og nøkur av løgunum hava enntá verið at hoyrt á evropisku countryhitlistunum.

Seinni hevur Ragnar eisini givið út tónleik á føroyskum, og í alt hevur hann givið tríggjar fløgur út. Í seinri tíð hevur verið longur ímillum, at høvi hevur verið at hoyra Ragnar á palli – men fríggjakvøldið 15. august verður hann aftur at hoyra í tjaldinum á Ljósfestini!

Við sær til konsertina hevur hann tveir royndar tónleikarar: Arnbjørn Sivertsen á gittara og Erling Berg á bass.

Okur gleða okkum til, tá Ragnar í Vík fer á pallin við sínum sermerktu countryljóði og føroyska tónleikastíli.

Okur síggjast á Ljósfestini 2025 í Vági!