Á býráðsfundi í gjárkvøldið samtykti Vágs Býráð at halda fram við arbeiðinum at gera eitt auditorium við tilhoyrandi hølum í Vágs Skúla. Hetta er ein liður í menningini av skúlanum og skal skapa betri karmar fyri næmingar og lærarar.

Arbeiðið við auditorium hevur verið á breddanum í eina tíð, og nú er avgjørt at fara víðari við verkætlanini. Endamálið við auditorium er at veita skúlanum ein nútímans pall til undirvísing, fyrilestrar og onnur tiltøk.

Bjarni Johansen, borgarstjóri sigur

Okur vilja skapa góðar og tíðarhóskandi umstøður fyri næmingar og lærarar. Við auditorium fáa okur eitt nútímans høli til undirvísing, fyrilestrar og onnur tiltøk. Samstundis er tað umráðandi, at okur hava eina greiða langtíðarætlan fyri skúlan, so hann kann mennast eftir einum varandi og framtíðartryggjaðum leisti.

Býráðið hevur áður arbeitt við ætlanunum, og nú verður farið undir ítøkiliga fyrireiking. Samtyktin merkir, at næstu stigini í byggiarbeiðinum nú verða sett í verk.