Í kavaveðrinum leygardagin leitaðu nógv fólk sær vestur í VB húsið, har Vágs Kommuna skipaði fyri eldradegi.

Leygardagin skipaði Vágs Kommuna fyri fyrsta av tveimum árligum eldradøgum. Dagurin varð hildin vesturi í VB húsinum. Byrjað varð við einum vælsmakkandi morgunmatarborðið og varaborgarstjórin, Erhard Joensen, bjóða øllum vælkomin. Eftir at Erhard hevði bjóða vælkomin var felagssangur við kórinum Orðið á Borðið og framløgur frá: Sonna Smith um suðuroyskamálførið; Sigurði Marner frá Styrki Fitness um rørslu og venjing sum 60+; og frá Arnfinni Bjarkhamar og Arnfinni Thomassen um staðarnøvnini í Vági.

Eldradagurin varð væl vitjaður - áleið 110-120 fólk vóru í VB húsinum.

Vágs Kommuna takkar øllum, sum møttu, og teimum, sum fyriskipaðu, løgdu fram og sum gjørdu eldradagin so hugnaligan.

Myndirnar hevur Theresa Kreutzmann tikið.