Vágs kommuna - Vágsvegur 30 - Tlf. 663000 - email: vagur@vagur.fo

Vísið varsemi! Broytingar á vegamótinum Vágsvegur, Marknoyrarvegur, Toftavegur

30. september 2019

Tekniska deild hjá Vágs kommunu er farin undir at gera broytingar og tillagingar á vegamótinum Vágsvegur, Marknoyrarvegur, Toftavegur – við sonevnda “vendiplássið hjá Karl Olsen”.

Í stuttum fevnir arbeiðið um broyting, soleiðis at ein rundkoyring verður gjørd á vegamótinum. Harumframt verður parkeringsøkið eisini broytt, soleiðis at parkeringsbásarnir koma at venda út ímóti vegnum.

Arbeiðið er ígongd og heitt verður á bilførarar um at vísa varsemi og taka atlit til broytingarnar, vegamerkingar og skelting.

Gongst sum ætlað verður komið á mál við broytingunum seint seinnaparin týsdagin 1. oktober.

Broytingarnar á vegamótinum er fyri at bøta um ferðslutrygdina og liður í ferðlutrygdarætlanini hjá Vágs kommunu. Broytingarnar eru viðgjørdar av Teknsku nevnd og Ferðlunevndini, sum hava samtykt at fremja broytingarnar.

Last modified: 30. september 2019