Vágs kommuna - Vágsvegur 30 - Tlf. 663000 - email: vagur@vagur.fo

Val til eldraráð í Suðuroy 10. november 2020

23. oktober 2020

Vegna vantandi undirtøku at stilla upp til val til Eldraráðið er freistin at stilla upp longd til 30. okt. 2020 kl.12.00

Endamálið hjá eldraráðnum er at betra og útbyggja sambandið millum eldri borgarar og  Bú- og Heimatænastuna í Suðuroy (BHS).

Fyri at stilla upp skalt tú sjálvan valdagin vera 60 ár ella eldri. Valskeiðið gongur frá 1. jan. 2021 til 31. des. 2024

Valevnisfráboðan fæst á skrivstovunum hjá kommununum í Suðuroy.

Saman við valevnisfráboðanini skulu undirskriftir frá minst tveimum stillarum fylgja við, sum lúka treytirnar fyri valrætti til Eldraráðið.

Eingin kann vera stillari fyri meira enn einum valevni.

Fráboðanin skal latast einari av skrivstovunum í kommununum, í seinasta lagi  fríggjadagin 30. oktober 2020 kl. 12.00

Persónar á innkomnu valevnislistum verða førdir á eitt samlað yvirlit, ið verður almannakunngjørt.

Eldraráðið verður samansett eftir sama leisti, sum stýrið fyri BHS:
•Vágs og Tvøroyrar kommuna 2 limir hvør.
•Sumbiar, Porkeris, Hovs, Fámjens og Hvalbiar kommuna 1 lim hvør.

Eldraráðið skipar seg sjálvt. Næstvaldu á viðkomandi vallistum verða varalimir eftir galdandi valreglum.

Last modified: 23. oktober 2020