Vágs kommuna - Vágsvegur 30 - Tlf. 663000 - email: vagur@vagur.fo

Vágs og Tvøroyrar kommuna gjørt semju um millumverandi

20. december 2013

SANYO DIGITAL CAMERA

Vágs og Tvøroyrar kommuna hava nú gjørt semju um fíggjarliga millumverandi millum kommunurnar.


Dennis Holm, borgarstjóri í Vágs kommunu, og Kristin Michelsen, borgarstjórar í Tvøroyrar kommunu fegnast um, at semja nú er gjørd um ára gamla ósemju um fíggjarligt millumverandi millum kommunurnar báðar.

Í heyst hava borgarstjórarnir báðir arbeitt við loysnum á hesari ósemjuni, sum er fleiri ára gomul. Og eftir býráðsfundin á Tvøroyri 9. desember og býráðsfundin í Vági 25. november, er hendan ósemjan nú endaliga loyst.

Borgarstjórarnir báðir eru samdir um, at tað hevur stóran týdning, at tær báðar størstu kommunurnar í Suðuroynni hava gott samstarv, tí er eisini løgd stór orka í at fáa loyst hesa ósemjuna, soleiðis at kommunurnar í felag, saman við hinum kommununum í Suðuroynni, kunnu virka Suðuroynni at frama.

 

Felags tíðindaskriv frá Vágs kommuna og Tvøroyrar kommuna er sent miðlunum

 

 

Myndina tók Jakob Skaaning

Last modified: 20. december 2013