Vágs kvøldskúli hevur framsýning
12.05.2022
Framsýningin hjá Vágs kvøldskúla í fimleikarhøllini fríggjadagin 27. mai. Framsyning av handaliga tilvirkaðum lutum, tað er veving og glaslist, verður í Fimleikarhøllini í Vágs Skúla.
Næmingar, sum hava gingið til dugnaskapsskeið, fáa prógv handað, og tey sum hava gingið til ættargransking sýna fram ættartalvur. Framsýningin er opin fríggjadagin 27. mai frá kl. 15.00-17.30.
Skráin fyri dagin er hendan:
Kl 15.00 Framsýningin er opin
Kl 15.20 Karin Brattaberg flytur fram røðu
Kl 15.30 Prógvhandan til næmingar, sum hava tikið Dugnaskapsskeið
Kl 16.00 Kórið Ljómur syngur
Kl 16.45 Linedans
Kl 17.30 Letur framsýningin aftur.
Kaffi/te og kakur kann keypast í auluni.