Vágs kommuna - Vágsvegur 30 - Tlf. 663000 - email: vagur@vagur.fo

Seyða- og geitakjøt skal ikki í spannina við matleivdum

9. juli 2020

Heilsufrøðiliga Starvsstovan hevur nú gjørt vegleiðing til skipanir, har matleivdir verða gjørdar til sanktutøð. Sum er, er tað bara Vágs kommuna, sum hevur slíka skipan í Føroyum.

Heilsufrøðiliga Starvsstovan var á eftirlitsvitjan í Vági síðst í juni og lótu tey sera væl at skipanini hjá Vágs kommunu, har matleivdir verða savnaðar inn og gjørdar til sankutøð. Heilsufrøðiliga Starvsstovan hevur tó víst á, at matleivdir frá seyða- og geitakjøti skulu ikki í spannina við matleivdum.

Niðanfyri er fráboðanin frá Heilsufrøðiligu Starvsstovuni:

 

Serligar treytir í Føroyum (til góðkendar sankutøðskipanir)

Í Føroyum er ridluskriði staðfestur fleiri staðni og einki góðkent sláturvirki er, sum kann tryggja, at serliga smittandi vevnaður frá seyði við ridluskriða (SRM) verður burturbeindur á rættan hátt.

Um serliga smittandi vevnaður frá seyði við ridluskriða er partur av matleivdunum – sum verða komposteraðar – er vandi fyri at spjaða ridluskriða runt í landinum, tá hesi sankutøð verða brúkt. Tískil ber ikki til at lata matleivdir við seyða -og geitakjøti til komposteringar, soleiðis sum viðurskiftini eru í dag.

Last modified: 9. juli 2020