Vágs kommuna - Vágsvegur 30 - Tlf. 663000 - email: vagur@vagur.fo

Nýtt kampingpláss í Vági

28. april 2014

Utsynid-ut-yvir-Vatnid

Í summar letur upp nýtt kampingpláss í Vági.

Vágs Býráð setti undan árskiftinum kampingpláss á fíggjarætlanina fyri árið 2014, og nú er gongd komin á at gera nýggja kampingplássið í Vági.

Nýggja kampingplássið verður gjørt eystanfyri Vágs Høll, millum høllina og Vatnið. Kampingplássið fer at gera nýtslu av góðu hentleikunum í síðubygninginum í Vágs Høll, sum liggur beint við kampingplássið. Í Vágs Høll eru bæði brúsur, wc og sauna, umframt vaskimaskina og turkitrumla, um tørvur skuldi verið á tí. Á kampingøkinum verður sjálvsagt møguleiki at tøma rottangan, umframt hjá kampingvognum at binda í vatn og streym. Eisini er internet á kampingplássinum.

Stutt fjarstøða er til Vatnið, til fótbóltsvøllin á Eiðinum, vestur á Vágseiðið, so talan er um framúr góða plasering av kampingplássinum, sigur Tórður Poulsen, formaður í Teknisku nevnd.

Kampingplássið verður gjørt í fleiri stigum. Í ár verða tey fyrstu 12 plássini gjørd liðug. Komandi ár verður víðkað um kampingplássið, samstundis sum nýggir hentleikar verða gjørdir í síðubygninginum í Vágs Høll.

Kampingplássið verður ætlandi klárt at taka í nýtslu í juni mánað.

Last modified: 20. oktober 2014