Vágs kommuna - Vágsvegur 30 - Tlf. 663000 - email: vagur@vagur.fo

Nýggj ljós kring Vatnið

16. oktober 2020

Ljósin framvið gøtuni kring Vatnið verða nú skift og er tekniska toymið hjá Vágs kommunu farið undir at gera klárt til nýggju gøtuljósini.

Verandi ljós kring Vatnið hava tænt fyri seg hesi seinastu 12 árini. Ljósini vórðu í 2007 latin av el-fyritøkuni Gudmund Larsen í samband við 100 ára føðingardagin hjá Vágs kommunu og vórðu sett upp í 2008.

Nú verður so gjørt klárt til nýggj ljós og nýggju ljósini koma seinni í hesum mánaðinum, tá tey verða sett upp og tey gomlu ljósini verða tá tikin niður.

Last modified: 16. oktober 2020