Vágs kommuna - Vágsvegur 30 - Tlf. 663000 - email: vagur@vagur.fo

Lívbjargari til Páls Høll

3. juli 2020

Droymir tú um at gerast partur av einum spennandi arbeiðsplássi, har tú kann fáa stóra ávirkan á og verða við til at betra um tilboðini og menna nýggj tilboð, so søkir Páls Høll eftir fólki at starvast sum lívbjargari, reingerðar-/avgreiðslufólk.

 

Starvsuppgávurnar eru m.a.

  • At standa fyri trygdini í hylinum sum lívbjargari
  • Hava ábyrgdina av dagligu reingerðini í Páls Høll
  • Avgreiða kundar og ymiska sølu
  • Fáast við ymisk tiltøk, ið verða fyriskipaði í Páls Høll

Sum starvsfólk í Páls Høll verður tú partur av einum toymi, ið stendur fyri trygdini, reingerð og kundarøkt. Arbeiðstíðirnar eru skiftandi dagliga og í vikuskiftinum.

 

Førleikar tínir

Tú skal duga væl at svimja, kunna standa lívbjargara-royndina, hava telduførleikar og duga at gera reint.

Fyrimunur er, um tú hevur lívbjargara skeið, royndir innan reingerð og/ella royndir innan arbeiði í svimjihøll.

 

Tú skalt eisini

  • vera fyrikomandi
  • duga væl at samstarva
  • vísa arbeiðssemi og nærlagni
  • hava hug og hegni at samskifta og at vegleiða kundum
  • kunna arbeiða sjálvstøðugt

 

Løn og setanartreytir

Talan er um fast starv í 24 tímar um vikuna eftir sáttmála millum Starvsmannafelagið og Kommunala Arbeiðsgevarafelag Føroya, lønarflokkur 2.

Ynskiligt er at byrja verður í starvinum 1. august 2020 ella skjótast tilber eftir tað.

 

Umsókn

Skal sendast til vagur@vagur.fo saman við avritum av prógvum, arbeiðsroyndum, viðmælum o.ø í seinasta lagi 17. juli 2020 klokkan 12.

Tú fært meira at vita um starvið við at venda tær til Jens Petur Brattalíð á tlf 285000.

 

 

Last modified: 3. juli 2020