Vágs kommuna - Vágsvegur 30 - Tlf. 663000 - email: vagur@vagur.fo

Kommunur samstarva um kvøldskúla

8. oktober 2014

Kvøldskúlasamstarv-faldari

Vágs, Sumbiar, Porkeris og Hovs kommuna hava skipað samstarv um kvøldskúlan í teimum fýra kommununum.

Samstarvið hevur við sær, at kvøldskúlarnir í felag fara at bjóða út kvøldskúlatilboð fyri veturin 2014/2015.

Samstarvið er í fyrsta umfari skipað fyri kvøldskúlaárið 2014/2015, og verður á vári 2015 gjørt av, hvussu kvøldskúlarnir verða skipaðir eftir hetta royndarárið.

Kvøldskúlatilboð verða, eins og undanfarin ár, skipaði í teimum fýra kommununum, men borgarar úr øllum økinum kunnu søkja um luttøku á ymsu tilboðunum.

Í samband við samstarvið verður eisini felags faldari við tilboðum fyri kvøldskúlaárið 2014/2015 í hesari vikuni borin í hvørt hús í Vágs, Sumbiar, Porkeris og Hovs kommunu. Faldarin er eisini teldutøkur á heimasíðunum hjá kommununum.

Faldarin er teldutøkur her

Í faldaranum eru kvøldskúlaskeiðini lýst, eins og greitt verður frá, hvar skeiðini verða skipaði og hvussu tilmelding fer fram.

Kvøldskúlaleiðarar, lærarar og starvsfólk á kvøldskúlunum í Vági, Sumba, Porkeri og í Hovi ynskja øllum vælkomnum á kvøldskúla veturin 2014/2015, við vón um, at tit fáa eitt spennandi, avbjóðandi og mennandi kvøldskúlaár.

 

Vágs, Sumbiar, Porkeris, og Hovs Kvøldskúli

Last modified: 20. oktober 2014