Vágs kommuna - Vágsvegur 30 - Tlf. 663000 - email: vagur@vagur.fo

Dennis Holm, borgarstjóri, setti fyrsta FM á langgeil

11. marts 2016

 

Dennis Holm setti FM 2016

Góðu svimjarar, venjarar, Svimjisamband Føroya,fyrireikarar, dómarar, hjálparfólk,og áskoðarar

Hetta er ein stórur dagur og ikki minst søguligur dagur fyri føroyska svimjing, nú fyrstu finalurnar í FM á langgeil verða skotnar ígongd um eina løtu.

Hetta er ein dagur, sum svimjarar og svimjiáhugaði hava bíðað eftir í nógv ár.

Í nógv ár hevur verið tosað um, at føroysk svimjing hevur verið avmarkað av, at ongin 50 m. hylur er í Føroyum, og okur tískil ikki hava kunnað vant á langgeil ella havt kappingar á langgeil – og av somu orsøk ikki hava kunnað ment okkum eins nógv og svimjarar og svimjing í grannalondum okkara.

Við Páls Høll og fyrsta 50 m. hyli her á landi eru karmarnir nú í topp, og umstøðurnar til at standa okkum í kappingini við aðrar svimjitjóðir eru framúr góðar.

Tað er eisini við stóltleika, at okur í Suðuroynni skipa fyri fyrsta veruliga FM í svimjing – tí sum formaðurin í Svimjisambandinum plagar at siga, hitt FM, sum hevur verið ár um ár, er í veruleikanum FM í svimjing á stuttgeil.

Nú kunnu okur so endiliga hava eitt ordiligt FM.

Okur eru mong, sum hava glett okkum til hesar FM-dagarnar í Páls Høll. Og farið eg at ynskja tykkum svimjarum bestu eydnu í stríðnum um at skriva tykkum inn í føroysku ítróttarsøguna, nú nýggj met á langgeil skulu setast, og tykur á fyrsta sinni skulu kappast um gull, silvur og bronsu til eitt FM á langgeil í Føroyum.

Góða eydnu og gott FM.

Takk fyri.

 

Dennis Holm, borgarstjóri

Last modified: 14. marts 2016